6781 nəfər xəstə var
Azərbaycanda daha 396 nəfər koronavirus infeksiyasına yoluxub, 558 nəfər sağalaraq xəstəxanadan buraxılıb, 6 xəstə vəfat edib. İyulun 27-də belə məlumat yayan Nazirlər Kabineti yanında operativ qərargah bildirir ki, ümumilikdə 30446 yoluxma müəyyən edilib, 23242 nəfər müalicə olunaraq sağalıb, 423 nəfər dünyasını dəyişib, 6781 nəfər xəstəxanalardadır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 652 mindən çox adamın ölümünə səbəb olub.
Azərbaycanda ilk yoluxma fevralın 28-də qeydə alınıb, ay ümumilikdə 3 yoluxma ilə bitib.
Martın 12-si ilk ölüm barədə məlumat verilib. Ayın sonunda ümumilikdə 298 nəfərin koronavirus infeksiyasına yoluxduğu, 5 nəfərin vəfat etdiyi açıqlanıb.
Aprel bu nəticələrlə bitib: 1804 yoluxma, 24 ölüm.
Maya bu nəticələrlə nöqtə qoyulub: 5494 yoluxma, 63 itki.
İyun bu statistika ilə yekunlaşıb: 17524 yoluxma, 213 itki.
Martda 5, apreldə 19, mayda 39, iyunda 150, iyulda 210 nəfər koronavirusun qurbanı olub.
