Yaşar Türkazər vəfat edib
Müsavat Partiyasının fəalı Yaşar Türkazər vəfat edib.
Müsavat başqanı Arif Hacılı bu itki ilə əlaqədar yaydığı açıqlamasında Yaşar Türkazəri Azərbaycan xalq hərəkatının və Müsavat Partiyasının əfsanəvi simalarından biri, həyatı boyu Azərbaycanın azadlığı, bütövlüyü uğrunda mübarizə aparmış bir şəxs kimi dəyərləndirib.
Arif Hacılı qeyd edib ki, Yaşar Türkazər 1980-ci illərin sonlarında üçrəngli bayrağımızı ilk olaraq Azadlıq meydanında qaldırdığı üçün Bayraqdar adını qazanmışdı.
2019-cu ilin noyabrından Yaşar Türkazərin səhhətində – ürək və ağ ciyərində problemlər yaranmışdı. Son günlər isə o, Bakının Mərdəkan qəsəbəsindəki xəstəxanada müalicə alırdı.
Yaşar Türkazər iyulun 22-də vəfat edib.
Allah rəhmət eləsin!
