20 gündə 150 itki
Nazirlər Kabineti yanında operativ qərargahın 20 iyul məlumatına görə, Azərbaycanda daha 369 nəfər koronavirus infeksiyasına yoluxub, 9 xəstə vəfat edib.
Yoluxanların ümumi sayı 27890 nəfər göstərilir, onların 363-ü dünyasını dəyişib, 8037-si aktiv xəstədir.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 609 mindən çox adamın ölümünə səbəb olub.
Azərbaycanda ilk yoluxma bu il fevralın 28-də, ilk itki martın 12-də qeydə alınıb. Martda 5, apreldə 19, mayda 39, iyunda 150, iyulda 150 nəfər koronavirusun qurbanı olub.
Ölkədə xüsusi karantin rejimi tətbiq olunur: sərhədlər bağlanıb, dəfn istisna olmaqla yas mərasimləri, bütün kütləvi tədbirlər, toylar yasaqlanıb, başqa məhdudiyyətlər qoyulub.
Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Siyəzən, Şəki, Xaçmaz, Goranboy, Göygöl rayonlarının ərazisində iri ticarət mərkəzləri, ictimai iaşə obyektləri, muzey və sərgi zalları qapadılıb, vətəndaşların böyük əksəriyyətinin evdən çıxması icazə əsasında mümkün olur.
