Yoluxma və itki açıqlaması
Azərbaycanda daha 471 nəfər koronavirus infeksiyasına yoluxub, 7 xəstə vəfat edib. İyulun 17-də belə məlumat yayan Nazirlər Kabineti yanında operativ qərargah yoluxanların ümumi sayını 26636 nəfər, ölənlərin sayını 341 nəfər, aktiv xəstələrin sayını 8490 nəfər göstərir.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirusa Azərbaycanda ilk yoluxma bu il fevralın 28-də qeydə alınıb. Martda 5, apreldə 19, mayda 39, iyunda 150, iyulda 128 nəfər koronavirusun qurbanı olub.
