Azərbaycanda daha 531 nəfər koronavirus infeksiyasına yoluxub, 514 nəfər sağalaraq xəstəxanadan buraxılıb, 6 xəstə vəfat edib. Nazirlər Kabineti yanında operativ qərargahın 11 iyul məlumatında belə deyilir.

Rəsmi hesabata görə, ölkədə ümumən 23521 nəfərin koronavirusa yoluxması bilinib: 14607 nəfər müalicə olunaraq sağalıb, 298 nəfər dünyasını dəyişib, 8616 nəfər aktiv xəstədir.

2019-cu ilin dekabrında Çində üzə çıxaraq dünyanı bürüyən, 563 mindən çox adamın ölümünə gətirən koronavirus xəstəliyinə Azərbaycanda ilk yoluxma bu il fevralın 28-də qeydə alınıb. Martda 5, apreldə 19, mayda 39, iyunda 150, iyulda 85 nəfər koronavirusun qurbanı olub.