Azərbaycanda daha 513 nəfər koronavirus infeksiyasına yoluxub, 440 nəfər sağalaraq xəstəxanadan buraxılıb, 8 xəstə vəfat edib. Nazirlər Kabineti yanında operativ qərargahın 6 iyul məlumatında belə deyilir.

Rəsmi hesabata görə, ölkədə ümumən 20 min 837 nəfərin koronavirusa yoluxduğu bilinib, onların 12 min 182-si müalicə olunaraq sağalıb, 258-i həyatını itirib, 8397-si aktiv xəstədir.

2019-cu ilin dekabrında Çində üzə çıxaraq 215 ölkə, ərazi və məkana yayılan koronavirus xəstəliyi 537 mindən çox adamın həyatına son qoyub. Azərbaycanda ilk yoluxma fevralın 28-də, ilk ölüm martın 12-də qeydə alınıb.

Martda 5 nəfər, apreldə 19 nəfər, mayda 39 nəfər, iyunda 150 nəfər, iyulda 45 nəfər xəstəliyin qurbanı olub.