İyulun 3-də Fransanın baş naziri Eduar Filipp və bütövlükdə hökumət istefaya gedib.

1970-ci il təvəllüdlü Eduar Filipp 2017-ci il mayın 15-dən baş nazir idi. Həmin təyinata qədər Eduar Filipp parlamentin aşağı palatasının deputatı, Havr şəhərinin meri olub. İyulun 4-də onun yenidən Havr meri vəzifəsinə keçəcəyi gözlənir.

Novator.az-ın məlumatına görə, iyulun 3-də prezident Emmanuel Makron baş nazir postuna 1965-ci il təvəllüdlü Jan Kasteksi təyin edərək ona hökumət qurmağı tapşırıb. Jan Kasteks baş nazirin müavini idi.

1977-ci il təvəllüdlü Emmanuel Makron 2017-ci il mayın 7-də prezident seçilib. Həmin ilin iyun ayında parlamentin aşağı palatasına – Milli Məclisə keçirilmiş seçkidə Emmanuel Makronun başçılıq etdiyi “İrəli, respublika” hərəkatı qalib olub.