Altı ayın populyar adları
Novator.az 2020-ci ilin ilk yarısında Azərbaycanda doğulmuş uşaqlara ən çox qoyulan adların siyahısını təqdim edir.
Ədliyyə Nazirliyinin rəsmi hesabatına görə, yanvar-iyun aylarında oğlan uşaqlarının aldığı adlar içində Yusif öndədir. Altı ayda bu ad 828 uşağa verilib.
Uğur adı ikinci (777 uşaq), Əli adı üçüncüdür (760).
Digər populyar oğlan adları belə sıralanır:
Hüseyn – 747 uşaq
Məhəmməd – 505
Murad – 477
Ömər – 460
Raul – 405
Ayxan – 372
Tunar – 343.
Yanvar-iyun aylarının populyar qız adları siyahısına Zəhra başçılıq edir – 811 uşaq.
Zeynəb ikinci (628 uşaq), Məryəm üçüncü sıradadır (616).
2020-ci ilin digər populyar qız adları bunlardır:
Mələk – 581 uşaq
Aylin – 545
Fatimə – 525
Nuray – 507
Nilay – 448
İnci – 414
Dəniz – 391.
Son beş ilin (2016-2020) ən populyar oğlan adı Yusif (12132 uşaq), qız adı Zəhradır (11578).
