İqtisadi azadlıq: Azərbaycan hansı cərgədədir?
ABŞ-ın “Heritage” (İrs) fondu iqtisadi azadlıq indeksi yayıb. Novator.az-ın məlumatına görə, reytinq ölkələri beş qrupa bölüb: azad; əsasən azad; qismən azad; əsasən qeyri-azad; qeyri-azad.
Hesabatda azad ölkələr belə sıralanır: Sinqapur, Honkonq, Yeni Zelandiya, Avstraliya, İsveçrə, İrlandiya.
180 ölkəni əhatə edən reytinqdə Estoniya (10-cu yer), Gürcüstan (12-ci yer), Litva (16-cı yer), Latviya (32-ci yer), Ermənistan (34-cü yer) əsasən azad ölkələr cərgəsinə salınıb.
Qazaxıstan (39-cu yer), Azərbaycan (44-cü yer), Türkiyə (71-ci yer), Qırğızıstan (81-ci yer), Moldova (87-ci yer), Belarus (88-ci yer), Rusiya (94-cü yer) qismən azad ölkələr siyahısında göstərilir.
Özbəkistan (114-cü yer), Ukrayna (134-cü yer), Tacikistan (155-ci yer) əsasən qeyri-azad ölkələr arasında qərar tutub.
İran (164-cü yer) və Türkmənistan (170-ci yer) qeyri-azad ölkələr sayılır.
Reytinq siyahısını Şimali Koreya qapayır.
“Heritage” fondu 1973-cü ildən fəaliyyət göstərir.
