Nazirlər Kabineti yanında operativ qərargahın 23 iyun məlumatına görə, Azərbaycanda daha 508 nəfər koronavirus infeksiyasına yoluxub, 335 nəfər sağalaraq xəstəxanadan buraxılıb, 6 xəstə vəfat edib.
Yoluxanların ümumi sayı 13 min 715 nəfər göstərilir: onların 7503-ü müalicə olunaraq sağalıb, 167-si vəfat edib, 6045-i aktiv xəstədir.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 475 mindən çox adamın həyatına son qoyub.
Azərbaycanda ilk yoluxma fevralın 28-də, ilk itki martın 12-də qeydə alınıb.
