Ən yeni karantin qadağaları
Nazirlər Kabineti yanında operativ qərargahın 19 iyun məlumatına görə, Azərbaycanda daha 438 nəfər koronavirus infeksiyasına yoluxub, 133 nəfər sağalaraq xəstəxanadan buraxılıb, 4 xəstə vəfat edib.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirus xəstəliyi 458 mindən çox adamın həyatına son qoyub.
Azərbaycanda ilk yoluxma fevralın 28-də, ilk itki martın 12-də qeydə alınıb. İyunun 19-dək 11 min 767 nəfərin koronavirusa yoluxması bilinib, onların 6325-i müalicə olunaraq sağalıb, 143-ü dünyasını dəyişib, 5299-u aktiv xəstədir.
Novator.az bildirir ki, Nazirlər Kabinetinin 19 iyun qərarına əsasən, iyulun 1-də bitməli olan xüsusi karantin rejimi avqustun 1-dək uzadılıb. Rejim ölkə ərazisinə giriş-çıxışa, ölkədə gediş-gəlişə məhdudiyyətlər, dəfn istisna olmaqla yas mərasimlərinə, kütləvi tədbirlərə, toy məclislərinə qadağa və başqa yasaqlar nəzərdə tutur.
İyunun 19-da rəsmiləşən başqa bir qərarla Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində 21 iyun saat 00:00-dan 5 iyul saat 06:00-dək məhdudiyyətlər tətbiq edilir. Bu iş və xidmət sahələri üzrə fəaliyyət dayandırılır:
– nəzdindəki ərzaq mağazaları və apteklər istisna olmaqla, iri ticarət mərkəzlərinin fəaliyyəti;
– ictimai iaşə obyektlərində müştərilərə yerində xidmətlər;
– muzey və sərgi zallarının fəaliyyəti;
– bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);
– təhsil müəssisələrinin fəaliyyəti (onlayn imtahan, müsabiqə və müsahibələr istisna olmaqla);
– açıq havada idman yarışlarının və oyunlarının keçirilməsi.
Qərar hərəkət azadlığına məhdudiyyətlər də yer alır. Vətəndaşların böyük əksəriyyətinə yaşayış yerini və olduğu yeri tərk etmələrinə yalnız bu hallarda və 8103 nömrəsinə SMS göndərməklə yol verilir:
– təxirəsalınmaz tibbi zərurətlə və hər hansı bir qrafik üzrə müalicə almaqla əlaqədar;
– ərzaq və digər gündəlik tələbat mallarının, habelə dərman vasitələrinin alınması, dövlət xidmətlərindən, bank, poçt və fəaliyyətinin davam etdirilməsinə icazə verilən iş və xidmət sahələrində göstərilən digər xidmətlərdən istifadə edilməsi zərurəti ilə, həmçinin açıq havada vaxtın keçirilməsi ilə əlaqədar;
– yaxın qohumunun dəfnində iştirakla əlaqədar.
Həyat və sağlamlığa bilavasitə təhlükəli vəziyyət yarandıqda yaşayış yerini və olduğu yeri tərk etmək üçün SMS göndərilməsi tələb olunmur. Həmçinin şəxslər məhkəməyə və ya hüquq mühafizə orqanlarına çağırıldıqda SMS göndərilmədən evdən çıxa bilər. Bu halda onlar məhkəməyə və ya hüquq mühafizə orqanına çağırılmalarına dair sənədi polis əməkdaşlarının tələbi ilə onlara təqdim etməlidirlər.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
Koronavirus: karantin yenilikləri, rəsmi hesabat
Yoluxma və itki artır, qadağalar gəlir
Operativ qərargah yeni qərar qəbul edib
