Yenə karantin, yeni karantin
Azərbaycanda daha 338 nəfər koronavirus infeksiyasına yoluxub, 117 nəfər sağalaraq xəstəxanadan buraxılıb, 6 xəstə vəfat edib. Nazirlər Kabineti yanında operativ qərargahın 18 iyun məlumatında belə deyilir.
Rəsmi hesabata görə, ölkədə 11329 nəfərin koronavirusa yoluxması bilinib, 6192 nəfər müalicə olunaraq sağalıb, 139 nəfər dünyasını dəyişib.
Aktiv xəstə sayı 4998 nəfər göstərilir.
Başqa bir rəsmi məlumata əsasən, ölkədə xüsusi karantin rejimi avqustun 1-dək uzadılır. Rejim iyulun 1-də bitməli idi.
Xüsusi karantin rejimi ölkə ərazisinə giriş-çıxışa, ölkədə gediş-gəlişə məhdudiyyətlər, dəfn istisna olmaqla yas mərasimlərinə, kütləvi tədbirlərə, toy məclislərinə qadağa və başqa yasaqlar nəzərdə tutur.
İyunun 21-dən iyulun 5-dək isə Bakıda və bir çox başqa bölgədə ciddi karantin rejimi tətbiq ediləcək: evdən çıxmaq SMS xəbərdarlıq və xüsusi icazə əsasında olacaq; ticarət mərkəzləri, ictimai iaşə obyektləri, bərbərxanalar, gözəllik salonları qapadılacaq.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirus xəstəliyi 452 mindən çox adamın həyatına son qoyub.
Azərbaycanda ilk yoluxma fevralın 28-də, ilk itki martın 12-də qeydə alınıb.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
Koronavirus: karantin yenilikləri, rəsmi hesabat
Yoluxma və itki artır, qadağalar gəlir
Operativ qərargah yeni qərar qəbul edib
