Koronavirus: yeni hesabat
Nazirlər Kabineti yanında operativ qərargahın 15 iyun məlumatına görə, Azərbaycanda daha 367 nəfər koronavirus infeksiyasına yoluxub, 156 nəfər sağalaraq xəstəxanadan buraxılıb, 3 xəstə vəfat edib.
Yoluxanların ümumi sayı 10324 nəfər göstərilir: onların 5739-u müalicə olunaraq sağalıb, 122-si dünyasını dəyişib, 4463-ü xəstəxanalardadır.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirus xəstəliyi 436 mindən çox adamın həyatına son qoyub.
Azərbaycanda ilk yoluxma fevralın 28-də, ilk itki martın 12-də qeydə alınıb. Martın sonunda ölənlərin sayı 5 nəfərə, aprelin sonunda 24 nəfərə, mayın sonunda 63 nəfərə çatıb. İyun ayında 59 nəfər həyatını itirib.
