Karantin yenilikləri
Nazirlər Kabineti koronavirus pandemiyasına görə verdiyi sərt karantin rejimi qərarına dəyişikliklər edib. Dərman vasitələrini sifarişlə ünvanlara çatdıran apteklərin işi və rayonlarda kənd təsərrüfatı məhsullarının toplanması, habelə növbəli suvarma, təxirəsalınmaz baytarlıq və bitki mühafizə xidmətləri üzrə fəaliyyət qadağa altından çıxarılıb.
İyunun 14-ü saat 00:00-dan iyunun 16-sı saat 06:00-dək Bakı, Gəncə, Lənkəran və Sumqayıt şəhərlərinin, Abşeron, Yevlax, İsmayıllı, Kürdəmir və Salyan rayonlarının ərazisində sərt karantin rejimi tətbiq olunacaq. Hökumətin qərarına görə, bütün iş, xidmət və ticarət sahələri üzrə fəaliyyət, eyni zamanda ictimai nəqliyyatın və avtomobillərin hərəkəti dayandırılır (xüsusi təyinatlı, qəza-bərpa, təcili tibbi yardım avtomobillərinin və fəaliyyətinə icazə verilən orqanların (qurumların) və təşkilatların xidməti, həmçinin onların əməkdaşlarına məxsus avtomobillərin, eyni zamanda yaxın qohumlarının dəfnində iştirakla əlaqədar vətəndaşların avtomobillərinin hərəkəti istisna olmaqla); əhalinin yaşayış yerlərini və ya olduğu yerləri tərk etməsi qadağan edilir.
Sakinlər qeyd olunan müddətdə yaşayış yerlərini və ya olduğu yerləri həyat və sağlamlığa bilavasitə təhlükəli vəziyyət yarandığı halda, eləcə də təxirəsalınmaz tibbi yardıma ehtiyac olduqda yalnız təcili tibbi yardım xidməti vasitəsilə, habelə yaxın qohumların dəfnində iştirak etmək üçün Daxili İşlər Nazirliyinin 102 xidməti – Zəng Mərkəzi vasitəsilə icazə almaqla tərk edə bilər.
Novator.az bildirir ki, yenilənmiş sənədə əsasən, bu qurum və xidmətlərin fəaliyyətinə icazə verilir:
– siyahısını Nazirlər Kabineti müəyyənləşdirən dövlət orqanlarının (qurumlarının) və digər təşkilatların fəaliyyəti;
– hüquq mühafizə və hərbi xidmət nəzərdə tutulmuş orqanların fəaliyyəti;
– xəstəxanalar, təcili tibbi yardım müəssisələrinin fəaliyyəti, habelə dərman vasitələrinin sifarişlə ünvanlara çatdırılmasını həyata keçirən apteklər;
– sosial xidmət müəssisələrinin fəaliyyəti, o cümlədən əqli və hissiyyat pozuntusu olan, habelə xüsusi qayğıya ehtiyacı olan şəxslər üçün baxıcılıq xidməti;
– kommunal xidmətlər (su təchizatı və kanalizasiya, qaz təchizatı, istilik təchizatı, enerji paylanması, məişət tullantılarının yığılması və utilizasiyası);
– elektrik enerjisinin istehsalı və təchizatı;
– meliorasiya və su təsərrüfatı;
– rabitə xidmətləri;
– teleradio yayımçılarının (televiziya və radio kanalları, kabel televiziyaları) fəaliyyəti;
– dəmir yolu, avtomobil, dəniz, hava nəqliyyatı ilə yük daşımaları;
– boru kəmərləri ilə nəqliyyatın təmin edilməsi fəaliyyəti;
– fasiləsiz istehsalat fəaliyyəti (istehsalat-texniki şərtlərə görə fəaliyyətinin dayandırılması mümkün olmayan müəssisələr);
– neft və qazın hasilatı, emalı, saxlanması və satışı;
– çörək məsullarının istehsalı (iyunun 15-i saat 16:00-dan etibarən);
– fəaliyyəti dayandırılmış iş və xidmət sahələrinin mühafizə və texniki təhlükəsizliyinin təmin edilməsi üzrə xidmətlər;
– rayonlarda kənd təsərrüfatı məhsullarının toplanması ilə bağlı fəaliyyət, habelə növbəli suvarma, təxirəsalınmaz baytarlıq və bitki mühafizə xidmətləri.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirus xəstəliyi 423 mindən çox adamın həyatına son qoyub.
Azərbaycanda ümumən 8882 nəfərin koronavirus infeksiyasına yoluxması müəyyən edilib: 4930 nəfər müalicə olunaraq sağalıb, 108 nəfər dünyasını dəyişib, 3844 nəfər xəstəxanalardadır.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
Koronavirus: karantin yenilikləri, rəsmi hesabat
Yoluxma və itki artır, qadağalar gəlir
