Bir qəsəbə şəhər, iki kənd qəsəbə olur
Naxçıvan Muxtar Respublikasının Babək rayonunun inzibati ərazi bölgüsünə dəyişiklik olunur. Parlamentin 12 iyun iclasında ilk oxunuşdan keçən qanun layihəsinə görə, Babək qəsəbəsinə şəhər statusu verilir, Babək qəsəbə inzibati ərazi dairəsi Babək şəhər inzibati ərazi dairəsi hesab edilir.
Başqa yeniliyə əsasən, Cəhri kəndi qəsəbə statusu alır, Cəhri kənd inzibati ərazi dairəsi Cəhri qəsəbə inzibati ərazi dairəsi sayılır.
Nehrəm kəndinə isə qəsəbə statusu verilir, Nehrəm kənd inzibati ərazi dairəsi Nehrəm qəsəbə inzibati ərazi dairəsi olur.
