12 iyun məzənnələri
Mərkəzi Bank iyunun 12-də bir çox valyutanı ucuzlaşdırıb. Novator.az-ın məlumatına görə, avro 1,9206, Gürcüstan larisi 0,5598, Rusiya rublu 0,0242, Türkiyə lirəsi 0,2487 manata düşüb.
ABŞ dollarının rəsmi məzənnəsi 1,7 manat səviyyəsində qalıb.
Yalnız Küveyt dinarı (5,5293 manat) və Ukrayna qrivnasının (0,0639 manat) kurslarında yüksəliş var (Valyutalar).
2015-ci ilin devalvasiyaları nəticəsində dolların məzənnəsi 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Avro 2020-ci ilə 1,9025, Gürcüstan larisi 0,5947, Rusiya rublu 0,0275, Türkiyə lirəsi 0,2849 manatla başlayıb.
Dövlət Neft Fondu Mərkəzi Bankın yanvar-may aylarında keçirdiyi valyuta hərraclarında 3 milyard 637 milyon dollar məbləğində vəsait satıb. Yanvarın hərraclarında fond 300,2 milyon dollar, fevralın hərraclarında 543,4 milyon dollar, martın hərraclarında 1 milyard 928,3 milyon dollar, aprelin hərraclarında 531,1 milyon dollar, mayın hərraclarında 334 milyon dollar sərf edib.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
