Operativ qərargahın 10 iyun məlumatı
Nazirlər Kabineti yanında operativ qərargahın 10 iyun məlumatına görə, Azərbaycanda daha 339 koronavirus infeksiyasına yoluxub, 114 nəfər sağalaraq xəstəxanadan buraxılıb, 4 xəstə vəfat edib.
Yoluxanların ümumi sayı 8530 nəfər göstərilir: onların 4720-si müalicə olunaraq sağalıb, 102-si dünyasını dəyişib, 3708-i xəstəxanalarda yatır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 415 mindən çox adamın həyatına son qoyub.
Azərbaycanda ilk yoluxma fevralın 28-də, ilk itki martın 12-də qeydə alınıb. Xüsusi karantin rejimi üzrə sərhədlər qapadılıb; Bakı, Sumqayıt, Gəncə, Lənkəran şəhərlərinə və Abşeron rayonuna giriş-çıxış yasaqlanıb; təhsil müəssisələri bağlanıb; dəfn istisna olmaqla yas mərasimləri, kütləvi tədbirlər, toy və şənlik məclisləri qadağan olunub.
