Operativ qərargah: daha 4 itki var
Nazirlər Kabineti yanında operativ qərargahın 7 iyun məlumatına görə, Azərbaycanda daha 314 nəfər koronavirus infeksiyasına yoluxub, 125 nəfər sağalaraq xəstəxanadan buraxılıb, 1947, 1954, 1956 və 1958-ci il təvəllüdlü dörd xəstə vəfat edib.
Ümumilikdə yoluxanların sayı 7553 nəfər göstərilir: onların 4149-u müalicə olunaraq sağalıb, 88-i dünyasını dəyişib, 3316-sı xəstəxanalardadır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 402 mindən çox adamın həyatına son qoyub. Azərbaycanda ilk yoluxma fevralın 28-də, ilk itki martın 12-də qeydə alınıb.
