Operativ qərargahın 5 iyun məlumatı
Nazirlər Kabineti yanında operativ qərargahın iyunun 5-də yaydığı məlumata görə, ölkədə daha 338 nəfər koronavirus infeksiyasına yoluxub, 134 nəfər sağalaraq xəstəxanadan buraxılıb, 4 xəstə vəfat edib. Vəfat edənlərin ikisi 1957-ci il, digərləri 1940 və 1972-ci il təvəllüdlüdür.
Yoluxanların ümumi sayı 6860 nəfər göstərilir. Hesabata əsasən, onların 3871-i müalicə olunaraq sağalıb, 82-si dünyasını dəyişib, 2907-si xəstəxanalarda yatır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 394 mindən çox adamın həyatına son qoyub. Azərbaycanda ilk yoluxma fevralın 28-də, ilk itki martın 12-də qeydə alınıb.
