Koronavirus: beynəlxalq statistikadan seçmələr
2019-cu ilin dekabrında Çində üzə çıxaraq dünyanı bürüyən koronavirus xəstəliyi 393 mindən çox adamın həyatına son qoyub.
Azərbaycanda ilk yoluxma 2020-ci il fevralın 28-də, ilk itki martın 12-də rəsmiləşib. Yoluxanların ümumi sayı 6522 nəfər göstərilir. Hesabata əsasən, onların 3737-si müalicə olunaraq sağalıb, 78-i dünyasını dəyişib, 2707-si xəstəxanalarda yatır.
Koronavirus 215 ölkə, ərazi və məkanda aşkarlanıb.
Novator.az bildirir ki, Azərbaycan yoluxma statistikasında 67-ci yerdə qərar tutur.
Ölənlərin sayı üzrə ölkə 77-ci, sağalanlar üzrə 58-ci, aktiv xəstə sayı üzrə 52-ci sıradadır.
Koronavirus ən çox ABŞ-da itkiyə gətirib: 110,1 min nəfər həyatını itirib.
Böyük Britaniyada 39,4 min, Braziliyada 34 mindən çox, İtaliyada 33,6 min nəfər, Fransada 29 mindən çox, İspaniyada 27,1 min nəfər dünyasını dəyişib.
Dünya üzrə yoluxanların sayı 6,7 milyon nəfəri ötüb.
Avropada 2 milyon 55,9 min, Şimali Amerikada 2,1 milyon, Asiyada 1,2 milyon, Cənubi Amerikada 1 milyon 30,6 min, Afrikada 173,1 min, Okeaniyada 8,8 min yoluxma qeydə alınıb.
Hazırda 3 milyon 63 mindən çox aktiv xəstə var.
