Operativ qərargah yeni qərar qəbul edib
İyunun 4-də baş nazir Əli Əsədov xalqa müraciət edib.
Novator.az-ın məlumatına görə, müraciətində baş nazir ölkədə koronavirusa yoluxma hallarının kəskin artdığını vurğulayıb. Son günlər karantin rejiminin yumşaldıldığını xatırladan Əli Əsədov deyib: “Təəssüflə qeyd etməliyəm ki, son yumşaldılma tədbirləri zamanı vətəndaşlarımızın böyük bir hissəsi müəyyən olunmuş qaydalara və təcrid tövsiyələrinə riayət etmədi. Bunun nəticəsi olaraq son günlər infeksiyaya yoluxanların sayı kəskin artıb.
Bunlara əsaslanaraq və tibbi qərargahın müraciəti ilə Nazirlər Kabineti yanında operativ qərargah bu gün qərar qəbul edib. Qərara əsasən, iyunun 6-sı saat 00:00-dan iyunun 8-i saat 06:00-dək Bakı, Sumqayıt, Gəncə, Lənkəran şəhərlərində və Abşeron rayonunda sərt karantin rejimi tətbiq olunacaq. Qərarda göstərilən tələblərə riayət olunması məcburidir və mütləqdir.
Xəstəliyin yoluxma halları digər şəhər və bölgələrdə artacağı hallarda sərt tədbirlər gələcəkdə həmin bölgələrdə də təkrarən tətbiq olunacaq.
Qərarın icra olunmasına nəzarət Daxili İşlər Nazirliyinə həvalə olunub”.
Əli Əsədovun bəhs etdiyi qərarın mətni onun müraciətindən az sonra ictimaiyyətə açıqlanıb (Bax: Yeni karantin qərarı).
2019-cu ilin dekabrında Çində üzə çıxaraq dünyanı bürüyən koronavirus xəstəliyi 388 mindən çox adamın həyatına son qoyub. Azərbaycanda ilk yoluxma fevralın 28-də, ilk itki martın 12-də qeydə alınıb. Nazirlər Kabineti yanında operativ qərargahın 3 iyun məlumatında yoluxanların ümumi sayı 6260 nəfər göstərilib: onların 3665-i müalicə olunaraq sağalıb, 76-sı dünyasını dəyişib, 2519-u xəstəxanalardadır.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
