Koronavirus: harada nə qədər xəstə var?
2019-cu ilin dekabrında Çində üzə çıxaraq dünyanı bürüyən koronavirus xəstəliyi 388 mindən çox adamın həyatına son qoyub.
Azərbaycanda ilk yoluxma fevralın 28-də, ilk ölüm martın 12-də qeydə alınıb. Nazirlər Kabineti yanında operativ qərargahın 3 iyun məlumatında yoluxanların ümumi sayı 6260 nəfər göstərilib. Hazırda onların 2519-u xəstəxanalardadır.
Novator.az bildirir ki, son beynəlxalq hesabata əsasən, 3 milyon 16,5 min nəfər koronavirus xəstəsi var. Aktiv xəstə sayına görə ABŞ öndədir: 1,1 milyon nəfər.
Braziliyada 285,8 min nəfər, Rusiyada 231,1 min nəfər, Hindistanda 107,2 min nəfər, Peruda 101,7 min nəfər xəstə qeydə alınıb.
Yaxın ölkələr üzrə statistika belədir:
Türkiyə – 30,9 min nəfər
İran – 27,4 min nəfər
Belarus – 24,6 min nəfər
Ukrayna – 13,6 min nəfər
Ermənistan – 7,5 min nəfər
Qazaxıstan – 5,7 min nəfər
Moldova – 3,6 min nəfər
Tacikistan – 1,7 min nəfər
Özbəkistan – 844 nəfər
Qırğızıstan – 587 nəfər
Litva – 343 nəfər
Latviya – 297 nəfər
Estoniya – 158 nəfər
Gürcüstan – 144 nəfər.
Xəstəliyin başladığı Çində 69 nəfər müalicə altındadır.
İslandiyada 2, Yeni Zelandiya, Bruney, Trinidad və Tobaqo, Laosda cəmi 1 nəfər xəstə var.
