Koronavirus: yeni statistika açıqlanıb
Azərbaycanda daha 273 nəfər koronavirus infeksiyasına yoluxub, 56 nəfər sağalaraq xəstəxanadan buraxılıb, 1943, 1954 və 1956-cı il təvəllüdlü 3 xəstə vəfat edib. Nazirlər Kabineti yanında operativ qərargah iyunun 2-də belə açıqlama yayıb.
Rəsmi məlumata görə, ölkədə ümumən 5935 nəfərin koronavirusa yoluxması bilinib, onların 3564-ü müalicə olunaraq sağalıb, 71-i dünyasını dəyişib, 2300-ü xəstəxanalarda yatır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 379 mindən çox adamın həyatına son qoyub. 185 ölkə, ərazi və məkanda ölənlər var. Azərbaycanda ilk yoluxma fevralın 28-də, ilk itki martın 12-də qeydə alınıb.
