ABŞ-ın varlı adamları
Forbes.com ABŞ-ın ən varlı adamlarının yeni siyahısını açıqlayıb. Novator.az xəbər verir ki, siyahıya “Microsoft” şirkətinin rəhbəri Bill Qeyts başçılıq edir. Onun varidatı 81 milyard dollardır.
İkinci pillədə 67 milyard dollarlıq sərvətlə “Amazon” şirkətinin başçısı Ceff Bezos, üçüncü yerdə 65,5 milyard dollarla sərmayəçi Uorren Baffet qərarlaşıb.
Reytinq cədvəlinin dördüncü pilləsində 55,5 milyard dollarlıq varidatı olan “Facebook” sosial şəbəkəsinin banisi Mark Suxerberq göstərilir.
“Oracle” şirkətinin qurucusu Larri Ellison siyahının beşinci pilləsində yer alıb. Onun sərvəti 49,3 milyard dollar təşkil edir.
“Bloomberg LP” şirkətinin başçısı Maykl Blumberqin isə 45 milyard dollarlıq sərvəti var.
İlkin Nizami
