Bir gündə 5 itki
Nazirlər Kabineti yanında operativ qərargahın 1 iyun məlumatına görə, Azərbaycanda daha 168 nəfər yeni koronavirus infeksiyasına yoluxub, 80 nəfər sağalaraq xəstəxanadan buraxılıb, 1940, 1952, 1955, 1959 və 1962-cı il təvəllüdlü 5 xəstə vəfat edib.
Rəsmi hesabatda yoluxanların ümumi sayı 5662 nəfər göstərilir: onların 3508-i müalicə olunaraq sağalıb, 68-i dünyasını dəyişib, 2086-sı xəstəxanalarda yatır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 374 mindən çox adamın həyatına son qoyub.
