3022 sağalan var
Azərbaycanda daha 191 nəfər koronavirus infeksiyasına yoluxub, 125 nəfər sağalaraq xəstəxanadan buraxılıb, 1954-cü və 1956-cı il təvəllüdlü iki xəstə vəfat edib. Nazirlər Kabineti yanında operativ qərargah mayın 28-də belə məlumat yayıb.
Rəsmi hesabatda ümumilikdə yoluxanların sayı 4759 nəfər göstərilir: onların 3022-si müalicə olunaraq sağalıb, 56-sı dünyasını dəyişib, 1681-i xəstəxanalardadır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 358 mindən çox adamın həyatına son qoyub.
