132 yoluxma, bir ölüm
Azərbaycanda daha 132 nəfər koronavirus infeksiyasına yoluxub, 78 nəfər sağalaraq xəstəxanadan buraxılıb, 1948-ci il təvəllüdlü bir xəstə vəfat edib. Nazirlər Kabineti yanında operativ qərargah mayın 26-da belə məlumat yayıb.
Rəsmi hesabata görə, fevralın 28-dən bəri ölkədə 4403 nəfərin koronavirusa yoluxması müəyyən edilib, onların 2819-u müalicə olunaraq sağalıb, 52-si həyatını itirib.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 349 mindən çox adamın həyatına son qoyub.
