Koronavirus: daha iki itki var
Azərbaycanda daha 106 nəfər koronavirus infeksiyasına yoluxub, 59 nəfər sağalaraq xəstəxanadan buraxılıb, 1949 və 1962-ci il təvəllüdlü iki xəstə vəfat edib. Nazirlər Kabineti yanında operativ qərargah mayın 22-də belə məlumat yayıb.
Hesabata görə, ölkədə ümumən 3855 yoluxma qeydə alınıb, 2399 nəfər müalicə olunaraq sağalıb, 46 nəfər dünyasını dəyişib.
Xəstəxanalardakı 1410 nəfərdən 48-nin vəziyyətinin ağır olduğu vurğulanır.
2019-cu ilin dekabrında Çində üzə çıxaraq dünyanı bürüyən koronavirus xəstəliyi 335 mindən çox adamın həyatına son qoyub.
