2020-ci ilin yanvar-aprel aylarında Azərbaycana 151 ölkədən 539 min və ya əvvəlki ilin eyni dövrü ilə müqayisədə 36,5 faiz az əcnəbi gəlib. Novator.az-ın məlumatına görə, Dövlət Statistika Komitəsi Dövlət Sərhəd Xidmətinə istinadla bildirir ki, koronavirus pandemiyasının yayılması ilə əlaqədar aprel ayında ölkəyə gələnlərin sayında kəskin azalma müşahidə olunub, onların sayı əvvəlki ayla müqayisədə 4,7 dəfə, ötən ilin aprel ayı ilə müqayisədə isə 12,1 dəfə azalıb.

Hesabata əsasən, 2019-cu ilin yanvar-aprel ayları ilə müqayisədə xarici ölkələrə gedən Azərbaycan vətəndaşlarının sayı 42,3 faiz azalaraq 944,7 min nəfər olub.