Azərbaycan koronavirus statistikasında
Nazirlər Kabineti yanında operativ qərargahın 19 may hesabatına görə, Azərbaycanda 3518 nəfər koronavirus infeksiyasına yoluxub, onların 2198-i müalicə olunaraq sağalıb, 41-i dünyasını dəyişib, 1279-u xəstəxanalardadır.
2019-cu ilin dekabrında Çində üzə çıxan koronavirus xəstəliyi 213 ölkə və əraziyə yayılıb, həmçinin iki səyahət gəmisində aşkarlanıb, ümumilikdə 325 mindən çox adam ölüb.
Novator.az bildirir ki, mayın 20-nə olan beynəlxalq statistikaya əsasən, Azərbaycan yoluxanların sayına görə 69-cu yeri tutur, ölənlərin sayına görə 86-88-ci yerləri bölüşür, sağalanların sayına görə 61-ci, hazırda müalicə olunan xəstələrin sayına görə 65-ci, koronavirus testlərinin sayına görə 46-cı pillədədir.
