Ölənlərin sayı 39-a çatdı
Azərbaycanda daha 136 nəfər koronavirus infeksiyasına yoluxub, 71 nəfər sağalaraq xəstəxanadan buraxılıb, 1932, 1956 və 1965-ci il təvəllüdlü 3 xəstə vəfat edib. Nazirlər Kabineti yanında operativ qərargah mayın 17-də belə məlumat yayıb.
Rəsmi hesabata görə, ümumilikdə 3274 yoluxanın 2015-i müalicə olunaraq sağalıb, 39-u dünyasını dəyişib, 1220-si xəstəxanalardadır.
2019-cu ilin dekabrında Çində üzə çıxan koronavirus xəstəliyi 213 ölkə və əraziyə yayılıb, 313 mindən çox adam ölüb.
