Yeni icra başçısı təyin edildi
Mayın 13-də prezident İlham Əliyev Azər Qocayevin Kəlbəcər Rayon İcra Hakimiyyətinin başçısı təyin edilməsi haqda sərəncam imzalayıb.
Turkustan.info-nun məlumatına görə, Azər Bəhlul oğlu Qocayev 1985-ci ildə anadan olub. Müxtəlif dövlət qurumlarında çalışıb. İcra başçısı təyinatınadək “Azərbaycan Dəmir Yolları” Qapalı Səhmdar Cəmiyyətində işləyib. Yeni Azərbaycan Partiyasının üzvüdür.
Novator.az bildirir ki, Kəlbəcərin əvvəlki icra başçısı Aqil Məmmədov olub. O, bu ilin fevralında keçirilmiş parlament seçkisində Milli Məclisin deputatı seçildiyinə görə martın 9-da icra başçısı vəzifəsindən azad edilib.
