Xəbərlər yüklənir ...
Azərbaycanda daha 67 nəfər koronavirus infeksiyasına yoluxub, 28 nəfər sağalaraq xəstəxanadan buraxılıb, 1958 və 1969-cu il təvəllüdlü iki xəstə vəfat edib.
Nazirlər Kabineti yanında operativ qərargahın 6 may məlumatına görə, indiyədək ölkədə 2127 nəfərin koronavirusa yoluxması bilinib, onların 1536-sı müalicə olunaraq sağalıb, 28-i dünyasını dəyişib.
Xüsusi rejimli xəstəxanalarda 563 nəfərin olduğu vurğulanır.
2019-cu ilin dekabrında Çində üzə çıxan koronavirus xəstəliyi 212 ölkə və əraziyə yayılıb, 259 mindən çox adam ölüb.
Azərbaycanda infeksiyanı cilovlamaq məqsədilə sərhədlər qapadılıb, təhsil ocaqları, mədəniyyət və idman obyektləri bağlanıb, ictimai iaşə və ticarət sektorlarında, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyətlər tətbiq olunub, toy və şənlik məclisləri, dəfn çıxılmaqla yas mərasimlərinin keçirilməsi yasaqlanıb.