Baş Prokurorluğun Ağır Cinayətlərə Dair İşlər üzrə İstintaq İdarəsinin əməkdaşları mayın 2-si gündüz “Azadlıq” qəzetinin əməkdaşı Səadət Cahangirin evində axtarış aparıb, onun kompüterini, telefonlarını və oğlunun təhsil haqqı üçün yığdığı pulu götürüblər. Jurnalist həmin gün saat 21 radələrinə qədər idarədə sorğu-sual edildikdən sonra sərbəst buraxılıb, amma kompüteri, telefonları və pulu qaytarılmayıb.
Səadət Cahangir AXCP Ali Məclisi Rəyasət Heyətinin üzvüdür.
AXCP sədri Əli Kərimli müraciət yayaraq Səadət Cahangirin Baş Prokurorluğun Ağır Cinayətlərə Dair İşlər üzrə İstintaq İdarəsində qeyri-ciddi iddialarla dindirildiyini vurğulayıb, bunu partiyaya təzyiqlərin tərkib hissəsi kimi qiymətləndirib.
Əli Kərimli qeyd edib ki, real müxalifətçiliyi sarsıtmaq, sıradan çıxarmaq mümkün olmayacaq: “Avtoritar və repressiv idarəetmə tükənib, artıq yamaq da qəbul etmir, ölkənin köklü problemlərini həll etmək iqtidarında deyil. Ölkədə siyasi, iqtisadi islahatlar isə qaçılmaz, olmazsa olmazdır. Bu yolda çoxsaylı itkilərimiz olsa da, məhrumiyyətlər yaşasaq da, sonda xalqımız bütün maneələri dəf edib haqq etdiyi azadlıq və ədalətə qovuşacaq”.
Novator.az bildirir ki, son vaxtlar 11 AXCP fəalı tutulub, 2 cəbhəçi cinayət məsuliyyətinə cəlb olunub, onların biri həm də məhkum edilib.
Martın 22-si Cəlilabadda tutulan Anar Məlikova karantin rejimini pozmaq ittihamı ilə 10 sutka inzibati həbs cəzası verilib.
Aprelin 8-i AXCP sədri Əli Kərimlinin köməkçisi, “Azadlıq” qəzetinin əməkdaşı Faiq Əmirli Bakıda tutularaq karantin rejimi qaydalarını pozmaq ittihamı ilə 30 sutka inzibati həbsə məhkum edilib.
Aprelin 9-u AXCP sədrinin mühafizəçisi Ruslan Əmirov Bakıda tutularaq karantin rejimi qaydalarını pozmaq ittihamı ilə 30 sutka inzibati həbs cəzası alıb.
Aprelin 10-u Nicat Abdullayev Bakıda tutularaq polis işçisinin qanuni tələbinə qəsdən tabe olmamaq ittihamı ilə 30 sutka inzibati həbsə məhkum edilib.
Aprelin 13-ü Baba Süleyman Bakıda tutularaq karantin rejimini pozmaq ittihamı ilə 30 sutka inzibati həbs cəzası alıb.
Aprelin 16-sı AXCP sədrinin mühafizəçisi Niyaməddin Əhmədov Bakıda tutularaq polis işçisinin qanuni tələbinə qəsdən tabe olmamaq və karantin rejiminin tələbini pozmaq ittihamı ilə 30 sutka inzibati həbsə məhkum edilib.
Aprelin 17-si Abşeron rayonunda Vüqar Əbilova 20 sutka inzibati həbs cəzası verilib. O, polis işçisinin qanuni tələbinə qəsdən tabe olmamaqda təqsirli bilinib.
Aprelin 18-i Bakıda İslam İslamzadəyə karantin rejimini pozmaq və polis işçisinin qanuni tələbinə qəsdən tabe olmamaq ittihamları ilə 30 sutka inzibati həbs cəzası kəsilib.
Aprelin 22-si Bakıda Əvəz Əhmədova və Arif Babayevə 30 sutka inzibati həbs cəzaları verilib. Əvəz Əhmədov polis işçisinin qanuni tələbinə qəsdən tabe olmamaqda, Arif Babayev internet informasiya ehtiyatında yayılması qadağan edilən informasiyanın yerləşdirilməsində təqsirli bilinib.
Aprelin 25-i Şəmsi Kəsəmənli Abşeron rayonunda karantin rejimini pozmaq və polis işçisinin qanuni tələbinə qəsdən tabe olmamaq ittihamları ilə 15 sutka inzibati həbs cəzası alıb.
Martın 24-ü Zamin Salayevə Salyanda qəsdən sağlamlığa yüngül zərər vurma ittihamı ilə cinayət işi açılıb.
Aprelin 20-də Zamin Salayev başqa bir iş üzrə məhkum olunub. Salyan Rayon Məhkəməsi onu böhtan və təhqirdə təqsirli bilərək 2 il 3 ay müddətinə azadlıqdan məhrum edib.
Aprelin 13-ü Bakıda “Azadlıq” qəzetinin əməkdaşı Təzəxan Mirələmliyə xuliqanlıq ittihamı ilə cinayət işi qaldırılıb.
Tofiq Yaqublu yenə həbsə gedir
Prezident əfv sərəncamı imzalayıb
Müxalif siyasətçilər əfvi yarımçıq sayır
İlkin Rüstəmzadəni polisə çağırırlar
“Koronavirus demokratiyanı öldürə bilməz”
“Azadlıq”ın əməkdaşına cinayət işi açılıb
AXCP sədri təcridetmə əməliyyatından yazıb
Əli Kərimli yenə internetsiz qalıb
Tofiq Yaqublunun məhkəməsi qapalı keçiriləcək
AXCP üzvünə inzibati həbs cəzası verilib
AXCP üzvü polisin iddiası ilə həbs olundu: 2 il 3 ay
Əli Kərimlinin müsahibəsi ünvana çatmayıb
Ev dustaqlığına da yox deyildi
