Parlamentlə bağlı yeniliklər rəsmiləşdi
Prezident İlham Əliyev parlamentlə bağlı iki sənəddə yenilikləri imzalayıb.
Novator.az bildirir ki, deputatın statusunu tənzimləyən qanunda dəyişikliyə əsasən, karantin rejiminin tətbiqi ilə əlaqədar ölkə ərazisində sərbəst hərəkətə qoyulan məhdudiyyətlər deputata, onun şəxsi və xidməti nəqliyyat vasitələrinə şamil edilmir.
Milli Məclisin daxili nizamnaməsində 2020-ci il dekabrın 30-dək qüvvədə olacaq yeniliyə görə, parlament sədri karantin rejiminin tətbiqi, sanitar-epidemioloji və bu kimi digər tədbirlərlə əlaqədar Milli Məclisin, həmçinin komitələrin və komissiyaların iclaslarının müəyyən dövr üçün real vaxt rejimində videokonfrans sistemi vasitəsilə keçirilməsinə sərəncam verə bilər. Bunun üçün 42 deputatın tələbi gərəkdir. Videokonfrans sistemi vasitəsilə keçirilən iclaslarda qeydiyyat və səsvermə deputatların gücləndirilmiş elektron imzaları ilə gerçəkləşir.
