Koronavirus: yeni rəsmi məlumat yayılıb
Azərbaycanda daha 28 nəfər koronavirus infeksiyasına yoluxub, 59 nəfər sağalaraq xəstəxanadan buraxılıb. Məlumatı Nazirlər Kabineti yanında operativ qərargah aprelin 26-da yayıb.
Hesabata görə, indiyədək ölkədə 1645 nəfərin koronavirus infeksiyasına yoluxması faktı müəyyən edilib, onların 1139-u müalicə olunaraq sağalıb, 21 nəfər vəfat edib.
2019-cu ilin dekabrında Çində üzə çıxan koronavirus xəstəliyi 210 ölkə və əraziyə yayılıb, 203 mindən çox adam ölüb.
Azərbaycanda infeksiyanı cilovlamaq məqsədilə xüsusi karantin rejimi tətbiq olunub: sərhədlər qapadılıb, təhsil ocaqları, mədəniyyət və idman obyektləri, ictimai iaşə müəssisələri, əksər ticarət məkanları, məişət xidməti yerləri bağlanıb, toy və şənlik məclisləri, dəfn istisna olmaqla yas mərasimlərinin keçirilməsi yasaqlanıb, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyət qoyulub.
27 aprel 2020-ci ildən məhdudiyyətlərin bir qismi götürüləcək (Qərar).
