Daha 30 yoluxma üzə çıxdı
Nazirlər Kabineti yanında operativ qərargahın 23 aprel məlumatına görə, Azərbaycanda daha 30 nəfərin koronavirus infeksiyasına yoluxduğu bilinib, 41 nəfər sağalaraq xəstəxanadan buraxılıb.
2019-cu ilin dekabrında Çində üzə çıxan koronavirus xəstəliyi 210 ölkə və əraziyə yayılıb, 185 mindən çox adam ölüb.
Azərbaycanda 1548 nəfərin koronavirusa yoluxması müəyyən edilib, onların 948-i müalicə olunaraq sağalıb, 20-si dünyasını dəyişib, 580-i xəstəxanadadır.
Ölkədə infeksiyanı cilovlamaq məqsədilə xüsusi karantin rejimi tətbiq olunub: sərhədlər qapadılıb, təhsil ocaqları, mədəniyyət və idman obyektləri, ictimai iaşə müəssisələri, əksər ticarət məkanları, məişət xidməti yerləri bağlanıb, toy və şənlik məclisləri, dəfn istisna olmaqla yas mərasimlərinin keçirilməsi yasaqlanıb, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyət qoyulub.
Novator.az bildirir ki, aprelin 23-nə olan statistikaya əsasən, İranda 5481, Türkiyədə 2376, Rusiyada 555, Ermənistanda 24, Gürcüstanda 5 nəfər koronavirusun qurbanı olub.
