Vergi işçilərinə yeni təminatlar
Milli Məclisin 17 aprel iclasında vergi orqanlarında xidmət əsasnaməsinə dəyişikliklər edilib. Novator.az bildirir ki, əsasnaməyə əlavə olunan 69-1-ci maddəyə görə, vergi orqanlarının vəzifəli şəxsləri əsas məzuniyyətə çıxarkən onlara ildə bir dəfə bir aylıq vəzifə maaşı həcmində müavinət ödənəcək.
73-cü maddədəki yeniliyə əsasən, vergi orqanlarının vəzifəli şəxslərinə xidmətin ikinci ilindən başlayaraq vergi orqanlarında xidmət illərinə görə hər ay bu məbləğdə əlavə haqq ödənəcək:
1 ildən 5 ilədək – vəzifə maaşının 5 faizi məbləğində;
5 ildən 10 ilədək – vəzifə maaşının 10 faizi məbləğində;
10 ildən 15 ilədək – vəzifə maaşının 20 faizi məbləğində;
15 ildən yuxarı – vəzifə maaşının 30 faizi məbləğində.
Qanun 2020-ci il yanvarın 1-dən tətbiq ediləcək.
