Turizmdə çökmə
2020-ci ilin yanvar-mart aylarında Azərbaycana 151 ölkədən 519,3 min və ya əvvəlki ilin ilk rübü ilə müqayisədə 15 faiz az əcnəbi və vətəndaşlığı olmayan şəxs gəlib. Novator.az-ın məlumatına görə, Dövlət Statistika Komitəsi Sərhəd Xidmətinə istinadla belə hesabat yayıb.
Hesabata əsasən, azalmanın əsas səbəbi koronavirus infeksiyasının yayılması üzündən sərhədlərin qapadılmasıdır.
Mart ayında ölkəyə gələnlərin sayının əvvəlki ayla müqayisədə 53,4 faiz, ötən ilin mart ayına nəzərən 62,2 faiz azaldığı vurğulanır.
Yanvar-mart aylarında xarici ölkələrə gedən Azərbaycan vətəndaşlarının sayının ötən ilin eyni dövrü ilə müqayisədə 23,3 faiz azaldığı da qeyd olunur.
