Sağalanların sayı 404 nəfərə çatdı
Nazirlər Kabineti yanında operativ qərargahın 15 aprel məlumatına görə, Azərbaycanda koronavirus infeksiyasına daha 56 yoluxma qeydə alınıb, 53 nəfər sağalaraq xəstəxanadan çıxıb.
Ümumilikdə ölkədə 1253 nəfərin koronavirusa yoluxması faktının bilindiyi, 404 nəfərin müalicə olunaraq sağaldığı, 13 nəfərin vəfat etdiyi vurğulanır.
Hesabata əsasən, hazırda 836 nəfər koronavirus xəstəsi var, onların 24-nün vəziyyəti ağırdır.
2019-cu ilin dekabrında Çində üzə çıxan koronavirus xəstəliyi 210 ölkə və əraziyə yayılıb, 128 mindən çox şəxs həyatını itirib.
Azərbaycanda infeksiyanın yayılmasının qarşısını almaq məqsədilə sərhədlər qapadılıb, təhsil ocaqları, mədəniyyət və idman obyektləri, ictimai iaşə müəssisələri, əksər ticarət məkanları, məişət xidməti yerləri bağlanıb, toy və şənlik məclisləri, dəfn istisna olmaqla yas mərasimlərinin keçirilməsi qadağan olunub, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyət qoyulub.
