41 nəfər sağalıb. Yeni itki də var
Nazirlər Kabineti yanında operativ qərargahın 11 aprel məlumatına görə, Azərbaycanda koronavirus infeksiyasına daha 67 yoluxma faktı qeydə alınıb, 1935-ci il təvəllüdlü bir nəfər vəfat edib, 41 nəfər müalicə nəticəsində sağalaraq evə buraxılıb.
Ümumilikdə ölkədə 1058 nəfərin koronavirus infeksiyasına yoluxması faktı müəyyən edilib, onların 200-ü müalicə olunaraq sağalıb, 11-i dünyasını dəyişib.
Ölkədə infeksiyanın yayılmasının qarşısını almaq məqsədilə sərhədlər qapadılıb, təhsil ocaqları, mədəniyyət və idman obyektləri, ictimai iaşə müəssisələri, əksər ticarət məkanları, məişət xidməti yerləri bağlanıb, toy və şənlik məclisləri, dəfn istisna olmaqla yas mərasimlərinin keçirilməsi qadağan olunub, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyət qoyulub.
2019-cu ilin dekabrında Çində üzə çıxan, pnevmoniyanın yeni növü olan yoluxucu koronavirus xəstəliyi 210 ölkə və əraziyə yayılıb, 106 mindən çox şəxs həyatını itirib.
