10 oldu
Azərbaycanda koronavirus infeksiyasına daha 65 yoluxma faktı qeydə alınıb. Aprelin 10-da yayılan rəsmi məlumatda o da bildirilir ki, 1960-cı il təvəllüdlü bir xəstə vəfat edib, 58 nəfər sağalaraq evə buraxılıb.
2019-cu ilin dekabrında Çində üzə çıxan, pnevmoniyanın yeni növü olan yoluxucu koronavirus xəstəliyi 210 ölkə və əraziyə yayılıb, 97 mindən çox şəxs dünyasını dəyişib.
Azərbaycanda ümumən 991 nəfərin koronavirusa yoluxduğu üzə çıxıb, 159 nəfər müalicə olunaraq sağalıb, 10 nəfər həyatını itirib.
Ölkədə infeksiyanın yayılmasının qarşısını almaq məqsədilə sərhədlər qapadılıb, təhsil ocaqları, mədəniyyət və idman obyektləri, ictimai iaşə müəssisələri, əksər ticarət məkanları, məişət xidməti yerləri bağlanıb, toy və şənlik məclisləri, dəfn istisna olmaqla yas mərasimlərinin keçirilməsi qadağan olunub, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyət qoyulub.
