Büdcənin birinci rübü
Maliyyə Nazirliyi dövlət büdcəsinin 2020-ci ilin birinci rübündə icrasına dair məlumat yayıb. Hesabata görə, birinci rübdə büdcənin mədaxili 7 milyard 810,9 milyon manat, xərcləri 5 milyard 254,8 milyon manat olub, 2 milyard 556,1 milyon manat məbləğində artıqlıq yaranıb.
İqtisadiyyat Nazirliyi yanında Dövlət Vergi Xidmətindən büdcəyə 2 milyard 39,9 milyon manat, büdcə təşkilatlarının ödənişli xidmətlərindən 109,3 milyon manatın gəldiyi bildirilir.
Dövlət Neft Fondundan transfert 4 milyard 631 milyon manat, sair daxilolmalar 39,7 milyon manat göstərilir.
Hesabata əsasən, ilin ilk üç ayında dövlət büdcəsi xərclərinin 48 faizi sosial xərclərin (əməyin ödənişi fondu, təqaüd və sosial müavinətlər, dərman və ərzaq xərcləri) maliyyələşdirilməsinə yönəldilib.
2020-ci ilin büdcəsində gəlir proqnozu 24 milyard 134,5 milyon manat, xərc proqnozu 26 milyard 894,7 milyon manatdır.
