Prezident İlham Əliyev və birinci xanım Mehriban Əliyeva martın 28-i Bakıda “Yeni klinika” tibb müəssisəsinin açılışında iştirak ediblər. AZƏRTAC xəbər verir ki, müvəqqəti olaraq martın 29-dan bu müəssisədə koronavirusa yoluxan və ağır simptomları olan xəstələr müalicə alacaqlar. Tibb ocağı 575 çarpayılıqdır. Xəstəxanada 1500-dən artıq həkim və tibbi heyət çalışacaq.
2019-cu ilin dekabrında Çində üzə çıxan koronavirus xəstəliyi 200-dək ölkə və əraziyə yayılıb, 28 mindən çox şəxs dünyasını dəyişib.
Azərbaycanda ümumilikdə 165 nəfərin koronavirus infeksiyasına yoluxduğu bilinib, onların 15-i sağalıb, 3-ü vəfat edib. Hazırda 147 nəfər aktiv koronavirus xəstəsi xüsusi rejimli müəssisələrdə müalicə alır.
