4280 nikah, 1399 boşanma
Dövlət Statistika Komitəsi demoqrafik hesabat yayıb. Novator.az bildirir ki, rəsmi məlumata görə, Azərbaycan əhalisinin sayı 2020-ci ilin əvvəlindən 6130 nəfər artaraq fevralın 1-nə 10 milyon 73 min 238 nəfərə çatıb. Əhalinin 49,9 faizinin kişilər, 50,1 faizinin qadınlar olduğu, hər 1000 kişiyə 1002 qadının düşdüyü vurğulanır.
Yanvar ayında 11279 doğumun, 5177 ölümün, 4280 nikahın, 1399 boşanmanın rəsmiləşdiyi bildirilir.
Hesabata əsasən, yanvarda daimi yaşamaq üçün 135 nəfər gələn, 107 nəfər gedən qeydə alınıb.
