Tibb işçilərinin maaşına əlavələr gəlir
Prezident İlham Əliyev koronavirusla mübarizə və profilaktika tədbirlərində iştirak edən tibb işçilərinin sosial müdafiəsini gücləndirməyə sərəncam verib. Martın 18-də imzalanan sərəncamla dövlət tibb müəssisələrinin həmin yöndə çalışan işçilərinin əmək haqlarına aylıq vəzifə (tarif) maaşının 3-5 mislinədək miqdarda müddətli əlavə müəyyən edilir.
Nazirlər Kabinetinə müddətli əlavənin şamil olunacağı tibb işçilərinin əhatə dairəsini, əlavənin ödənilmə müddətini və işin xüsusiyyətindən asılı olaraq miqdarını, infeksiya ilə mübarizə tədbirlərinə cəlb edilən özəl tibb müəssisələri işçilərinin və könüllülərin əməyinin ödənilməsi şərtlərini müəyyən etmək tapşırılıb.
2019-cu ilin dekabrında Çində üzə çıxan, pnevmoniyanın təhlükəli növü olan koronavirus xəstəliyi 170 ölkəyə yayılıb, 8200-dən çox şəxs dünyasını dəyişib.
Azərbaycanda 34 nəfərin koronavirus infeksiyasına yoluxduğu bilinib, onların 10-u sağalıb, 1-i vəfat edib.
Oqtay Şirəliyevdən koronavirus əmri
Epidemiya: Nazirlər Kabineti qərarlar verdi
Koronavirus: milli qərargah yaradılıb
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Parlament tibbi rejimin pozulması cəzalarına səs verdi
