Yeni informasiya sistemi yaradılır
Martın 17-də prezident İlham Əliyev dövlət idarəçiliyində səmərəliliyin artırılması ilə bağlı əlavə tədbirlər sərəncamı imzalayıb. Sənədə əsasən, Prezident Administrasiyasında dövlət başçısının fərman, sərəncam və tapşırıqlarının icra vəziyyətinə nəzarətin elektron qaydada həyata keçirilməsi üçün yeni informasiya sistemi yaradılmalı, yerli icra hakimiyyəti orqanlarının fəaliyyətinin səmərəliliyi mütərəqqi dünya təcrübəsinə uyğun əsas səmərəlilik göstəriciləri üzrə qiymətləndirilməlidir.
Prezident Administrasiyası beynəlxalq məsləhətçi şirkət cəlb etməklə altı ay müddətində dövlət başçısına yerli icra hakimiyyəti orqanlarının fəaliyyətinin səmərəliliyinin qiymətləndirilməsi mexanizminin yaradılması və tətbiqi; prezidentin fərman, sərəncam və tapşırıqlarının icra vəziyyətinə nəzarətin elektron qaydada həyata keçirilməsi üçün səmərəli informasiya sisteminin iş qaydası barədə təkliflərini təqdim etməlidir.
Nazirlər Kabinetinə dövlət orqanları və qurumlarında icra intizamına əməl olunması vəziyyətini təhlil etmək və icra intizamının pozulması halları, onlara yol verən dövlət orqanları və qurumları barədə ildə iki dəfə məlumat vermək tapşırılıb.
