Bahar Muradova Ailə, Qadın və Uşaq Problemləri üzrə Dövlət Komitəsinin sədri təyin edilib. Prezident İlham Əliyev sərəncamı martın 12-də imzalayıb.

Novator.az bildirir ki, Bahar Muradova 1962-ci il martın 20-də Füzuli şəhərində anadan olub. Azərbaycan Dövlət Universitetinin filologiya fakültəsini və Azərbaycan Universitetinin hüquq fakültəsini bitirib.

2000-2020-ci illərdə Milli Məclisin deputatı, 2005-ci ildən parlament sədrinin müavini olub.

Yeni Azərbaycan Partiyası İdarə Heyətinin üzvüdür.

Ailə, Qadın və Uşaq Problemləri üzrə Dövlət Komitəsinin əvvəlki sədri Hicran Hüseynova bu il fevralın 9-da parlamentin deputatı seçilib. Hazırda o, Milli Məclisin ailə, qadın və uşaq məsələləri komitəsinə rəhbərlik edir.