UEFA Çempionlar Liqasında ilk 1/4 finalçılar bəlli olub. Novator.az-ın məlumatına görə, 1/8 finalın martın 10-da keçirilən cavab oyunlarında “Leypsiq” (Almaniya) və “Atalanta” (İtaliya) növbəti raunda vəsiqə alıblar.

1/8 finalda “Atletiko” (İspaniya), “Liverpul” (İngiltərə), “Borussiya” (Dortmund, Almaniya), PSJ (Fransa), “Çelsi” (İngiltərə), “Bavariya” (Almaniya), “Napoli” (İtaliya), “Barselona” (İspaniya), “Real” (İspaniya), “Mançester Siti” (İngiltərə), “Lion” (Fransa), “Yuventus” (İtaliya) komandaları da yer alır.

1955-ci ildə yaradılmış, 1991-ci ilə qədər Çempionlar kuboku adlanmış turniri “Real” 13, “Liverpul” 6, “Bavariya” və “Barselona” 5, “Yuventus” 2, “Borussiya” və “Çelsi” 1 dəfə zirvədə tamamlayıb.