Təltif olunan qadınlar
Prezident İlham Əliyev bir qrup qadını təltif edib. Sərəncamlar həmin şəxslərin mədəniyyət, təhsil, səhiyyə sahələrində, ictimai həyatda səmərəli fəaliyyətləri və martın 8-də qeyd olunan Beynəlxalq Qadınlar Günü ilə əsaslandırılıb.
Hüseynquliyeva Nazlı Hüseynqulu qızı əməkdar artist, Qundorina İrina Sergeyevna və Sultanova Nailə Şamil qızı əməkdar rəssam, Tağıyeva Gülnaz Xasay qızı əməkdar mədəniyyət işçisi, Məmmədova Nüşabə Məmmədəli qızı əməkdar müəllim, Rəşidova Aidə Nəcəf qızı əməkdar tibb işçisi fəxri adı alıb.
“Tərəqqi” medalı ilə bu şəxslər təltif olunub: Abbas Radə Sabir qızı, Abiyeva Aminə Həzərxan qızı, Aşumova Kəmalə Zabil qızı, Bağırova Gülarə Məmməd qızı, Əhmədova Lətifə Tərlan qızı, Əliyeva Rəhimə Şamxal qızı, Əmirhüseynova Mahirə İmanqulu qızı, Hümbətova Almara Novruz qızı, Hüseynova Nəsibə Bayram qızı, İbadova Gülnarə Vidadi qızı, Quluyeva Rahidə Əsgər qızı, Musayeva Təranə Şövkət qızı, Rəsulova Zəminə İsmayıl qızı, Salayeva Sumra Cabbar qızı, Zeynalova Mehriban Heydərəli qızı.
Martın 8-i tarixə qadınların hüquq bərabərliyi uğrunda mübarizədə beynəlxalq həmrəyliyi günü kimi düşüb. Sosialist qadınların 1910-cu ildə Kopenhagendə keçirilmiş beynəlxalq konfransında həmin günün bayram edilməsi haqqında qərar çıxarılıb.
1965-ci ildə Azərbaycan Sovet Sosialist Respublikasında martın 8-i iş günü hesab olunmayan bayram günü elan edilib. Azərbaycan 1991-ci ildə müstəqillik əldə edəndən sonra martın 8-i bayram statusunu saxlayıb, Qadınlar Günü kimi qeyd olunur.
